Reykjavíkurúrvalið hafði betur
Fyrst birt: 08.09.2012 19:08, Síðast uppfært: 08.09.2012 19:09
Reykjavíkurúrvalið vann öruggan sigur í báðum flokkum á mótinu í ár
Reykjavíkurúrvalið vann bæði í flokki yngri og eldri kylfinga í liðakeppni í golfi á milli Reykjavíkurúrvals og landsbyggðarúrvals sem lauk á Leirdalsvelli í dag en fyrirkomulag keppninnar er sótt til eins frægasta golfmóts allra tíma, Ryder-bikarsins.
Yngri kylfingar Reykjavíkurúrvalsins unnu 8 leiki af 12 í þriðju og síðustu umferðinni í dag og fengu samtals 17 vinninga gegn 7 vinningum landsbyggðarinnar á mótinu.
Eldri kylfingar Reykjavíkurúrvalsins unnu alla 12 leiki þriðju umferðarinnar og hlutu samanlagt 22 vinninga gegn 2 vinningum landsbyggðarinnar.
Reykjavíkurúrvalið er því sigurvegari á mótinu annað árið í röð.
Ertu með athugasemd vegna fréttarinnar? Sendu á frettir@ruv.is
