Miami Vice-stjarna til Baltasars
Fyrst birt: 23.06.2012 09:44, Síðast uppfært: 23.06.2012 10:54
Einn þekktasti sjónvarpsleikari níunda áratugarins, Edward James Olmos, hefur samþykkt að leika skúrkinn í nýjustu kvikmynd Baltasars Kormáks, 2 Guns.
Frá þessu er greint á nokkrum kvikmyndavefmiðlum. Olmos er hvað frægastur fyrir að hafa leikið yfirmann þeirra James Crockett og Ricardo Tubbs í Miami Vice-þáttunum vinsælu en með aðalhlutverkin í 2 Guns fara þeir Mark Wahlberg og Denzel Washington.
Ertu með athugasemd vegna fréttarinnar? Sendu á frettir@ruv.is
