100 ára dagbækur úr Dýrafirði

07.02.2017 - 20:41
Árið 1917 var Dýrafjörður ísilagður í byrjun febrúar. Afkomendur bónda í Dýrafirði færa dagbókaskrif afa síns daglega inn á Facebook og varpa þannig ljósi á daglegt líf og veðurfar í Dýrafirði fyrir nákvæmlega hundrað árum.

Guðjón Finnur Davíðsson var fæddur á Ingjaldssandi 1891. Hann var 25 ára þegar hann hélt dagbók um líf sitt í Dýrafirði sem afkomendur hans hafa nú skannað inn til varðveislu.

Guðjón Finnur var bóndi en gegndi ýmsum nefndarstörfum, var organisti og kenndi bæði leikfimi og tónlist.

Eru þetta mest veðurlýsingar?

„Já, þetta eru mest veðurlýsingar og það sem hefur helst verið öðruvísi þann daginn Það sem þau fara og gera annað en venjulega,“ segir Borgný Gunnarsdóttir, afkomandi Guðjóns.

Mynd með færslu
 Mynd: Facebook

Afkomendur Guðjóns Finns færa inn á Facebook það sem forfaðir þeirra hafði fyrir stafni á sama degi fyrir hundrað árum. Færslurnar varpa ljósi á breytta lifnaðarhætti en ekki síður veðurfarslegar breytingar.

Mynd með færslu
Halla Ólafsdóttir
Fréttastofa RÚV